മടക്കയാത്ര

മടക്കയാത്രകൾ
എപ്പോഴും വേദനയാണ്.
മനുഷ്യരിൽ നിന്നായാലും 

ഭൂപ്രദേശങ്ങളിൽ നിന്നായാലും ശരി.
ജീവിതങ്ങളായാലും
പ്രദേശങ്ങളായാലും
ഓർമകളുടെ അടയാളങ്ങൾ
നമ്മിൽ അവശേഷിപ്പിക്കും.
ഓരോന്നും നമ്മെ 

തിരികെ വിളിച്ചുകൊണ്ടേയിരിക്കും.
പ്രദേശങ്ങളിലേക്കുള്ള
മടങ്ങിപ്പോക്ക് പോലെ
പക്ഷെ അത്രയെളുപ്പമാവില്ല
ചില ജീവിതങ്ങളിലേക്കെങ്കിലുമുള്ള
തിരിച്ചൊഴുക്ക്.
നമ്മൾ എത്രയാഗ്രഹിച്ചാലും
ആ വഴികളിൽ കല്ലുകൾ
നിറഞ്ഞേകിടക്കും...