അയാൾ ഇനിയുറങ്ങട്ടെ...

എഴുതാൻ ബാക്കിവെച്ച

നിരവധി കഥകൾ

അയാളുടെ മനസിലുണ്ടായിരുന്നു

പറയാൻ ബാക്കിവെച്ച കുറേ വിശേഷങ്ങളും

പങ്കുവെക്കാൻ ആഗ്രഹിച്ച കുറേ അനുഭവങ്ങളും

അവ എഴുതാതെ, പറയാതെ, പങ്കുവെക്കാതെ

അയാൾ പോവുകയാണ്.

ശേഷിച്ച എല്ലായാത്രയും ചേർത്ത് ഒന്നാക്കി

കണ്ണടച്ച് കാഴ്ച്ചകൾ കാണാതെ....

ഇനി അയാൾ ഉറങ്ങട്ടെ.....

(150617)

മുഖം നഷ്ടപ്പെട്ടവർ....

കുട്ടിക്കാലത്തെ ചിത്രമാണ് 

ഇപ്പോൾ അയാളുടെ മുഖപടം.

പക്ഷെ കുട്ടിത്തം, അത് 

ഇല്ലാതായിരിക്കുന്നു.

ആ ചിത്രത്തിനു പിന്നിൽ

മുഖംമറച്ചിരിക്കുന്നത്

മനസിലെ നിഷ്കളങ്കത ചോർന്ന്,

ചിന്താശേഷി പണയംവെച്ച്,

വെറുമൊരു പാവയാണ്. 

ഭൂതവും ഭാവിയും വർത്തമാനവും

നഷ്ടപ്പെടുത്തിയ വെറും പാവ...

(180617)