ആ പ്രഭാതം എങ്ങനെ ആയിരിക്കും ... ?

മരണത്തിന് ശേഷം ഉള്ള അടുത്ത പ്രഭാതം എങ്ങനെ ആയിരിക്കും ?

വലിച്ച് കെട്ടിയ ടാർ പായക്ക്‌ താഴെ നിരക്കുന്ന കസേരകളിൽ ആരെല്ലാം മൗനമായി ഇരുന്നേക്കാം?

ആരെല്ലാം ശബ്ദം താഴ്ത്തി മരച്ചുവട്ടിൽ കൂടി നിന്ന് അർത്ഥം ഇല്ലാത്ത പഴം കഥകൾ ആശ്ചര്യം കലർത്തി പങ്കുവച്ചേക്കാം? 

ഒടുവിൽ മണ്ണിരക്കോ അഗ്നിക്കോ നിങ്ങള് ഭക്ഷണം ആയ്‌ മാറുമ്പോൾ ആരെല്ലാം അടക്കി പിടിച്ച് തേങ്ങിയിരിക്കാം? 

നീളുന്ന അനുശോചന പോസ്റ്റുകൾക്ക് അപ്പുറം ചുവരിലെ അനേകം പടങ്ങളിലെ ഒരു പടം മാത്രമായി നിങ്ങള് മാറുമ്പോൾ ആ പ്രഭാതം എങ്ങനെ ആയിരുന്നിരിക്കണം... !

(010520)