ഒരുവൻ

ഒരിടത്ത്  ഒരുവനുണ്ടായിരുന്നു.
ഭൂതകാലത്തിൻറ്റെ പത്തായത്തിലെങ്ങോ
അടച്ചിടപ്പെട്ടവൻ. 
ക്ലാവെടുത്ത ഓർമകൾ കുത്തിനിറച്ച
ഇരുണ്ട പത്തായപ്പെട്ടിയിലിരുന്ന്
വർത്തമാനകാലത്തും
ഭൂതകാലത്തിൽ മാത്രം
ജീവിക്കാൻ വിധിക്കപ്പെട്ടവൻ.
ആർക്കും വേണ്ടാത്ത
ഓർമകൾ തേച്ചുമിനുക്കി
ആയുസ്സെണ്ണിയവൻ.
ചിതപോലെ ഓർമകളും
ഒരുന്നാൾ കത്തി എരിഞ്ഞിരുന്നെങ്കിലെന്ന്
സ്വയം പ്രാകി നടന്നൊരുവൻ.
ഒരിടത്ത് ഒരുവനുണ്ടായിരുന്നു
ഓർമകളിൽ മുങ്ങി  ആത്മഹത്യചെയ്തവൻ..

....

(100322)