യാത്ര

 

ഞാൻ മരിച്ചാൽ

ഒരു യാത്ര പോയതാണെന്ന് മാത്രം കരുതുക

കാഴ്ചകൾ കാണാൻ ബാക്കി വെച്ച് ഞാൻ മരിച്ചെന്ന് നിങ്ങൾ വിശ്വസിക്കരുത്

സ്നേഹിച്ച തെറ്റിന് ശിക്ഷ വാങ്ങാതെ,

മാപ്പിരക്കാതെ നിഷേധിയായി 

ഞാൻ യാത്ര തുടരുന്നു 

എന്ന് മാത്രം ധരിക്കുക.

നിന്നോട്, അവളോട്, അവനോട്, അവരോട് ഞാൻ പറഞ്ഞതെല്ലാം 

പാതി മാത്രം ആയിരുന്നു എന്നും

അവ പൂർത്തിയാക്കാൻ 

ഞാൻ തിരികെ വരും എന്നും 

വെറുതെ വിശ്വസിക്കണം

ഒരു കുറിപ്പും പൂക്കളും എനിക്കായി കരുതരുത്

മടങ്ങി വരും വരെ 

എനിക്ക് ഇല്ലാത്ത

മേൽവിലാസത്തിൽ കത്തെഴുതി കൊണ്ടേ ഇരിക്കണം. 

ഞാൻ മരിച്ചാൽ

ഞാൻ ഒരു യാത്രയിൽ ആണെന്ന് 

മാത്രം കരുതുക…

......

Sanubsasidharan

(270221)