നിമിഷങ്ങളിൽ നിശ്ചലരായവർ...

ഗുണമില്ലെങ്കിൽ പിന്നെയെന്തിന്

ഇപ്പോഴും അതെല്ലാം ഓർക്കണം ?!!!

ഒരിക്കലെങ്കിലും വേർപാട് നൽകുന്ന വേദന,
ഒറ്റപ്പെടൽ, മുറിവ്  ഒന്നറിയണം ,

എന്തിനെന്നറിയാതെയുള്ള നീറ്റൽ!

അതൊരു നേരറിവാണ് !

ആ പിടച്ചിൽ, അതറിഞ്ഞവർ

പറയാതെ തന്നെ മറ്റൊരുവന്റെ
ഓർമകളുടെ ആഴം
സ്വയമളന്നെടുക്കുമായിരുന്നു

ആരുടേയും തെറ്റല്ല, ഭാഗ്യമാണ്

അങ്ങനെ ഓർമകളിൽ വെന്ത് നീറാതെ

നടന്ന് പോവാനാവുന്നുവെന്നത്.!

പക്ഷെ, ഓർമകളാൽ തളച്ചിടപ്പെട്ടവർ

അവർ നിർഭാഗ്യരാണ്

അവർ ഏതൊക്കെയോ നിമിഷങ്ങളിൽ
നിന്നുപോയവരാണ് .

വേട്ടപട്ടികളെ പോലെ ഓർമകൾ

അവരെ തുരത്തി കൊണ്ടേയിരിക്കും.

ഒരാണ്ടല്ല, പതിറ്റാണ്ടുകൾക്കപ്പുറവും

അതങ്ങനെതന്നെ… !

ഓർമകളിങ്ങനെ മുന്നിൽ
മരിക്കാതെ ജീവിക്കുന്നതിനാലാവാം
ഞാനിങ്ങനെ പരാജിതനായി
മരിച്ചു കൊണ്ടേയിരിക്കുന്നത് !!!

(230519)

...........

ഓർക്കുക,

മാഞ്ഞുപോം

ഒരു ദുസ്വപ്നം പോൽ  

ഈ ജീവിതവും

കിനാക്കളും.

ആയതിൽ

ചിലയോർമകളെങ്കിലും

ചിതലെടുക്കാതെ

കാത്തിടാം,

നിനക്കോർക്കുവാൻ,
എനിക്കോർക്കുവാൻ,

നമുക്കോർക്കുവാൻ !!!

(210519)

........