ഇതെൻറ്റെ ശരീരം
എന്നിൽ
എല്ലാവർക്കും
അവകാശമിരിക്കയാൽ
എല്ലാവിശ്വാസങ്ങൾക്കും
എൻറ്റെ ശരീരം
ഭൂമികയാകുന്നു.
അവിശ്വാസം മുതൽ
അന്ധവിശ്വാസംവരെ
പകുത്തെടുത്ത ഉടൽ.
പച്ചകുത്തും ചുവന്ന ചരടും
അലങ്കാരമാവുന്ന മാംസം.
വിഷാദത്തിനും ഉൻമാദത്തിനും
ഇടയിലെ ഞാൺ.
ജനന-മരണത്തിനിട നേരത്ത്
നിശബ്ദം മിടിക്കുന്ന ഘടികാരം.
മണ്ണിരയ്ക്കും പുഴുവിനും കഴുകനും
അഗ്നിക്കും ഒരുപോൽ
അവകാശപ്പെട്ട അന്നം.
ഏവർക്കുമവകാശമിരിക്കയാൽ
അധീശ്വത്തത്തിൻറ്റെ
ഇരയാകുന്നു ഞാൻ.
.....
(261022)
😊
ReplyDelete