മാർച്ച് പതിനൊന്ന്

ജീവിതം എന്നെ നോക്കി
മനോഹരമായി ചിരിച്ചത് 
ഇന്നായിരുന്നു,
അവസാനമായും...
അണയാൻ പോകുന്ന ദീപം ആളികത്തുന്നത് പോലെ.
പത്ത് ദിവസത്തിനപ്പുറം
കാത്തിരിക്കുന്നത്  കൊടും വരൾച്ചയാണെന്നറിയാതെ
ആറാട്ട് കൊണ്ടാടിയനാൾ.
'കഥകളിൽ'
ദൈവം ഉറക്കം നടിച്ച,
നിങ്ങൾ തകർത്താടിയ
ആ പത്താം നാളിലെ കഥയും
ഉണ്ടായിരിക്കുമോ..!
നിങ്ങൾ
കണ്ടജീവിതങ്ങളേക്കാൾ 
ഞങ്ങൾ
കൊണ്ടജീവിതങ്ങൾക്കായിരുന്നു
തീവ്രതയേറെ. 

തിരകൾ പറയുന്നത്...

തീരത്തെ തഴുകുന്ന
ഓരോ തിരമാലക്കും
ഓരോ കഥകൾ
പറയാനുണ്ടാവില്ലേ..!

മീൻ കുഞ്ഞുങ്ങൾക്കൊപ്പം

കളിയായി മത്സരിച്ച്
നീന്തിയത്..
പ്ലാസ്റ്റിക്ക്
ശ്വാസം മുട്ടിച്ച
കുഞ്ഞു കടലാമയുടെ
കരച്ചിലിനെ കുറിച്ച്..
തീരത്ത് ഓടി കളിച്ച
കുട്ടികളുടെ,
പ്രണയിതാക്കളുടെ
കളിച്ചിരികൾ...
അങ്ങനെയങ്ങനെ ഒത്തിരിയൊത്തിരി കഥകൾ ...!!!

(230120)