മരണത്തിലേക്കുള്ള ദൂരമെത്രയാണ്...?

   # #

വേട്ടനായ്ക്കളുടെ ശൗര്യത്തോടെ 

ചിലര്‍ നമ്മെ ആക്രമിക്കും

ചിലര്‍  കൗശലക്കാരനായ കുറുക്കനായി 

 പിന്തുടരും

മദയാനകളെ പോലെയാണ്  ഓര്‍മകള്‍,  

നമ്മെ തുരത്തികൊണ്ടേയിരിക്കും

മോക്ഷം ഏത് പാപനാശിനിയിലാണ് 

പതിയിരിക്കുന്നത്...?

 # # 

  # #

ദിശതെറ്റിയെത്തിയ 

ഒരു നനുത്തകാറ്റ്

എന്‍റെ തൂലികതുമ്പിലെ

അവസാനതുള്ളി സ്നേഹാക്ഷരവും

അപഹരിച്ചെങ്ങോ

മൂളിപറന്നുപോയി...   

  # #

# #

മരണത്തിലേക്കുള്ള ദൂരമെത്രയാണ്...?

ഒരു ചാണ്‍കയറിന്‍റെ നീളമോ..?

ഒരു റോഡിന്‍റെ വീതിയോ...?

അതോ സമാന്തരമായ റെയില്‍പാളത്തിന്‍റെ നീളമോ...?

അതോ ഒരു വിഷകുപ്പിയുടെ  അളവോ...?

ഞാന്‍ അളക്കാന്‍തുടങ്ങട്ടെ...

# #