Friday 25 November 2016

അവരും സ്വപ്നം കണ്ടത് വിപ്ലവമായിരുന്നു

നിങ്ങളുടേയും അവരുടേയും
വിളിപ്പേര് സഖാവെന്നായിരുന്നു
നിങ്ങളുടേയും അവരുടേയും
സ്വപ്നം വിപ്ലവം തന്നെയായിരുന്നു
നിങ്ങളുടേയും അവരുടേയും
കൊടിയുടെ നിറം ചോരചുവപ്പായിരുന്നു
നിങ്ങളുടേയും അവരുടേയും
മുദ്രാവാക്യം ഇങ്ക്വിലാബായിരുന്നു
നിങ്ങളുടേയും അവരുടേയും
കണ്ണുകളിൽ പ്രതിഷേധത്തിൻറ്റെ കനലായിരുന്നു
നിങ്ങളുടേയും അവരുടേയും
കാതിൽ പോരാട്ടത്തിൻറ്റ കാഹളമായിരുന്നു
നിങ്ങളുടേയും അവരുടേയും
ശബ്ദം അടിച്ചമർത്തപ്പെട്ടവരുടേതായിരുന്നു
എന്നിട്ടുംനിങ്ങളെന്തേ അവരെ ഇല്ലാതാക്കി...?
അവരുടെ വിരിമാറുലാക്കാക്കി കാഞ്ചിവലിച്ചു...?
അവരുടെ ചോരചാലും നീന്തികയറിയാണോ
ഇനി നിങ്ങളുടെ വിപ്ലവം വരുന്നത്...?