Sunday, 8 November 2009

നമുക്കിടയില്‍ ....

നമുക്കിടയില്‍
ഒരോര്‍മ്മയുടെ
നിഴല്‍പാടുണ്ട്...


മൊഴിയാതെപോയ
വാക്കുകളുടെ
മാറ്റൊലിയുണ്ട്...


ദര്‍ശിക്കാതെപോയ
വേദനകളുടെ(കാഴ്ച്ചകളുടെ)
മായാത്തവര്‍ണങ്ങളുണ്ട്...


അറിയാതെപോയ
ദുരന്തങ്ങളുടെ
ആര്‍ത്തനാദങ്ങളുണ്ട്....


ഉടഞ്ഞുമണ്ണടിഞ്ഞുപോയ
മണ്‍പാത്രങ്ങളുടെ
തുടിതാളമുണ്ട്...


എഴുതാതെപോയ
കവിതയുടെ
അര്‍ത്ഥതലങ്ങളുണ്ട്...


തെളിയാതെപോയ
സ്വപ്നങ്ങളുടെ
മാധുര്യമുണ്ട്...


പറയാതെപോയ
പ്രണയത്തിന്‍റെ
നഖപാടുകളുണ്ട്...


അതിലുമുപരിയായി
നമുക്കിടയില്‍
'ഞാനും' 'നീ'യുമുണ്ട്...

5 comments:

  1. simplyy brilliant etta... am running out of words..

    enthellam aanu ee lokathil, oroo jeevithangalil, oro mounathilum enthumathram theengalukalanu.

    ReplyDelete